AQSHda kuchli yog'ingarchilik katta talafotlar keltirmoqda
41 million kishi xavf ostidaligi ta'kidlanmoqda.
AQShning markaziy hududida davom etayotgan kuchli yomg‘irlar halokatli suv toshqinlariga sabab bo‘lib, kamida 16 kishining hayotiga zomin bo‘ldi. Bu haqda favqulodda xizmatlar va Milliy ob-havo xizmati xabar berdi.
Ma'lum qilinishicha, bo‘ronlarni aniqlash markazi Ogayo vodiysidan tortib Texasning janubi-sharqigacha bo‘lgan hududda taxminan 41 million kishi xavf ostida ekanini bildirdi. Xususan, Arkanzas, Missuri, Tennessi va Missisipi shtatlarida 4-darajali, eng yuqori darajadagi suv toshqini ogohlantiruvlari e’lon qilingan.
Yog‘ingarchilik natijasida ko‘plab hududlarda favqulodda evakuatsiya ishlari olib borilmoqda, ko‘plab avtomobil yo‘llari vaqtincha yopilgan. Faqat shanba kunining o‘zida 6000 dan ortiq aviaqatnovlar kechiktirilgan, keng ko‘lamli elektr energiyasi uzilishlari yuzaga kelgan.
Meteorologlar bunday kuchli yog‘ingarchilikni “bo‘ron mavsumi tashqarisida kamdan-kam kuzatiladigan hodisa” sifatida baholamoqda.
