Vafot etgan bastakor yangi asarlar yaratmoqda
Sun’iy ong orqali bastakor vafotidan so‘ng ham musiqa yozmoqda.
Amerikalik bastakor Alvin Lusye vafotidan to‘rt yil o‘tgan bo‘lishiga qaramay, uning musiqiy merosi faqat xotiralar bilan cheklanib qolmadi. U sun’iy intellekt va ilg‘or biotexnologiyalar yordami bilan yangi asarlar yaratishda davom etmoqda.
2018-yilda avstraliyalik olimlar Parkinson kasalligidan aziyat chekayotgan Lusyega “Tiklanish” (The Revival Project) nomli ilmiy-ijodiy eksperimentda ishtirok etishni taklif qilishadi. U 2020-yilda hayotligida oq qon hujayralarini topshirgan. Aynan shu hujayralar asosida sun’iy miya moduli ishlab chiqilgan.
Hozirda olimlar tomonidan yaratilgan, 20 ta mis plastinadan iborat ushbu sun’iy tizim Lusyeninng miyasiga xos signallarni simulyatsiya qilib, real vaqtda akustik kompozitsiyalar yaratmoqda. Asarlar sun’iy ong va Lusyeninng ilgari bergan ijodiy ma’lumotlari asosida shakllanmoqda.
Bu loyiha musiqa, fan va falsafaning chorrahasida turib, inson ongi va san’at o‘rtasidagi chegaralarni qayta belgilamoqda.
