Amerikalik erkak 30 yillik titroqlardan bir necha soatda xalos bo‘ldi
Texnologiya kuchi bilan 30 yillik qiynalish bir zumda yakun topdi.
Florida shtatida yashovchi 72 yoshli Orlando Avendano 30 yildan buyon qo‘llarining titrashi bilan yashab kelardi. Bu holat oddiy kundalik ishlarni, hatto ovqat yeyish yoki o‘z ismini yozishni ham imkonsiz qilib qo‘ygan edi. Bir stakan suv ichish uchun u uni ikki qo‘li bilan ushlab turishga majbur edi.
Ammo yaqinda Delray-Bich shahrida o‘tkazilgan noyob protsedura uning hayotini o‘zgartirib yubordi. Neyroxirurglar zamonaviy texnologiyadan – ultratovushli fokuslash usulidan foydalangan holda Avendanoning miyasida titroqqa sabab bo‘layotgan markazni aniqlashgan va patologiya manbasini yo'q qilishgan. Ushbu usulda homilani tekshirishda ishlatiladigan tovush to‘lqinlari asosida ishlovchi “Neuravive” nomli maxsus "dubulg‘a"dan foydalanilgan.
Jarayondan atigi bir necha soat o‘tib, Avendano qo‘lini titroq holda emas, erkin ravishda harakatlantira oldi. Shifokor Lloyd Tsuker bu voqeani "aql bovar qilmas yengillik" deb atadi.
