Buyuk Britaniya va Norvegiya Ukrainaga 580 million dollarlik harbiy yordam ajratmoqda
Mablag‘lar Buyuk Britaniya boshchiligidagi xalqaro fond orqali ajratiladi.
Buyuk Britaniya va Norvegiya Ukraina Qurolli Kuchlarini qo‘llab-quvvatlash maqsadida 580 million dollarlik yangi harbiy yordam paketini e’lon qildi.
Britaniya Mudofaa vazirligi bergan xabarlarga ko‘ra, bu yordam Rossiya bilan urush holatida Ukraina mudofaa salohiyatini kuchaytirishga qaratilgan. Paketning asosiy qismi — 450 million funt sterling — Buyuk Britaniyadan, qolgan qismi esa Norvegiyadan taqdim etiladi. Bu Yevropa davlatlarining Ukraina bilan birdamligini ko‘rsatadi.
Moliyaviy yordam harbiy texnikalar va uskunalarni ta’mirlash, radar tizimlari, tankka qarshi minalar, yuz minglab dronlarni o‘z ichiga oladi.
Texnika va uskunalar yetkazib berilishi Britaniya va Ukraina kompaniyalari tomonidan amalga oshiriladi.
Yordam paketi haqidagi rasmiy e’lon NATO doirasidagi Ukraina mudofaasiga bag‘ishlangan yig‘ilishda, Bryusselda e’lon qilinadi. Yig‘ilishga Britaniya mudofaa vaziri Jon Gili va Germaniya mudofaa vaziri Boris Pistorius raislik qiladi.
Aloqa guruhi NATO a’zolari va Ukrainani qo‘llab-quvvatlovchi boshqa davlatlar o‘rtasidagi hamkorlikni muvofiqlashtiruvchi muhim platforma hisoblanadi.
