Myanmadagi zilziladan so‘ng qadimiy qirollik xarobalari topildi

 

28-mart kuni Myanmaning markaziy hududida ro‘y bergan 7,7 magnitudali kuchli zilzila ko‘plab talafotlarga olib kelgan edi. Endilikda zilzila oqibatida yuzaga chiqqan yer yorilishlari ostidan arxeologlar uchun kutilmagan tarixiy topilmalar ochilmoqda.

 

Mandalay shahridan 10 km uzoqlikdagi Thada-U hududida olib borilgan qazishmalar davomida Konbaung sulolasi davriga oid bo‘lishi mumkin bo‘lgan qadimiy “suv saroyi” xarobalari topilgan.

 

Arxeolog Min Ko Aungning so‘zlariga ko‘ra, topilgan poydevorlar, zinapoyalar va ayvon qoldiqlari tarixiy matnlarda tasvirlangan qirollik majmualariga juda o‘xshaydi.

 

Konbaung sulolasi 1752–1885 yillarda Birmada hukmronlik qilgan bo‘lib, bu davr monarxiya boshqaruvining oxirgi bosqichi hisoblanadi. Tadqiqotchilar ushbu topilma Ratnapura Ava shahrining bir qismi bo‘lganligini taxmin qilmoqda — u o‘z vaqtida “Gemlar shahri” nomi bilan mashhur bo‘lgan.

 

1839-yilda ro‘y bergan zilzilalar tufayli inqirozga uchragan bu hudud ilgari bir necha qirolliklar uchun siyosiy markaz bo‘lgan.

 

Topilgan arxitektura yodgorliklari orasida qadimiy qo‘lyozmalarda tilga olingan palmali ayvonlar ham bor. Bu topilma nafaqat arxeologik jihatdan, balki Myanmaning tarixiy merosi nuqtai nazaridan ham muhim ahamiyatga ega.

 

Tadqiqotchilar bu joyda olib boriladigan keyingi tadqiqotlar Myanmaning imperiya davri haqida yangi bilimlar beradi, degan umidda.