Turkiyada Ukraina va Rossiya o‘rtasida muzokaralar o‘tkaziladi
Uchrashuvlar 15–16 aprel kunlari bo'lib o'tishi kutilmoqda.
15–16 aprel kunlari Turkiya poytaxti Anqarada Rossiya va Ukraina rasmiylari ishtirokida muzokaralar bo‘lib o‘tishi kutilmoqda. Bu haqda Turkiya Milliy mudofaa vazirligi manbalari xabar bermoqda.
Muzokaralarda asosiy e’tibor Qora dengizdagi kemalar xavfsizligi masalalariga qaratilishi aytilmoqda. Hozircha Rossiya ham, Ukraina ham bu uchrashuvni rasmiy tarzda tasdiqlamagan.
Eslatib o‘tamiz, bundan oldin Saudiyalik vositachilik ostida o‘tkazilgan uchrashuvlarda ham Qora dengizda otishmalarni to‘xtatish, xavfsiz navigatsiya va portlar faoliyatini tiklash masalalari ko‘tarilgan edi.
Rossiya tomoni o‘z navbatida xalqaro oziq-ovqat ta'minoti barqarorligini tiklash uchun, unga nisbatan qo‘llanilgan qishloq xo‘jaligi mahsulotlari va o‘g‘itlar eksportiga doir sanksiyalarni bekor qilishni talab qilgan.
