“Leapmotor” avtomobillarini O‘zbekistonda sotishga ruxsat berildi
Brendning to‘xtatilishiga S16 modelida texnik kamchilik sabab bo'lgan edi.
Avvalroq Xitoyning “Leapmotor” brendi ostidagi yengil avtomobillarni O‘zbekistonda sertifikatlash uchun arizalar qabul qilish vaqtincha to‘xtatilgandi. Bunga ushbu brendga mansub S16 modelida aniqlangan texnik kamchilik sabab bo‘lgan edi.
Shu orada olib borilgan tekshiruvlar, muzokaralar va texnik o‘rganishlar natijasida hukumat tomonidan ijobiy qaror qabul qilindi. Endilikda “Leapmotor” avtomobillari O‘zbekiston bozorida hech qanday cheklovlarsiz sotilishi mumkin.
Mazkur qaror “Leapmotor” avtomobillarini sotish bilan shug‘ullanayotgan dilerlar va xaridorlar uchun muhim yangilik bo‘lib, bozorda ushbu elektromobillarning yana keng tarqalishiga yo‘l ochadi.
