Tojikistonda 6 balli zilzila sodir bo'ldi
3 yoshli bola devor bosib qolishi oqibatida vafot etgan.
Bu haqda Favqulodda vaziyatlar qo‘mitasi xabar bermoqda. Zilzila oqibatlari aks etgan video ijtimoiy tarmoqlarda tarqalmoqda.
Zilzila 13-aprel kuni soat 9:24 da sodir bo‘lgan. Zilzila episentri Rashtdan 21 km shimolda, Dushanbedan 160 km shimoli-sharqda bo‘lgan. Zilzila kuchi Rasht tumanida 5-6 ballni, Dushanbeda 3 ball atrofida qayd etilgan.
Tabiiy ofat oqibatida 29 ta turar joy binosi va bitta maktabga zarar yetgan. Shundan 17 ta uy va maktab Rasht tumanida, yana 12 ta uy Tojikobodda joylashgan.
Shuningdek, 3 yoshli bola devor bosib qolishi oqibatida vafot etgan.
