Yerga G2 darajadagi magnit bo‘ron yaqinlashmoqda
14–24-aprel oralig‘ida magnit faollik oshadi.
Rossiya olimlarining ma’lum qilishicha, 16-aprel kuni Yer magnit maydonida o‘rtacha kuchdagi G2 sinfiga mansub geomagnit bo‘roni yuz berishi kutilmoqda.
Dastlabki belgilari 14-aprel tongida sezila boshlaydi. U uch kun davomida asta-sekin kuchayib, 16-aprel kuni kechki soat 19:00 da o‘zining eng yuqori cho‘qqisiga chiqadi. Kechqurun esa bo‘ron kuchi pasayib, G1 darajasiga tushadi va bosqichma-bosqich tugaydi.
Shuningdek, 17-aprel kuni geomagnit fon yana biroz kuchayishi mumkin, biroq bu bo‘ron darajasiga yetmaydi.
Navbatdagi geomagnit faollik esa 22 va 24-aprel kunlariga prognoz qilingan.
