YouTube foydalanuvchilarni vaqtni tejashga undamoqda
YouTube'da kunlik taymer joriy qilindi.
YouTube o‘zining qisqa videolar platformasi – Shorts uchun yangi imkoniyatni ishga tushirdi. Endilikda foydalanuvchilar ushbu videolarni cheksiz tomosha qilishning oldini olish maqsadida maxsus kunlik taymer o‘rnatishlari mumkin bo‘ladi.
Ma'lum qilinishicha, bu funksiya orqali odamlar Shorts videolarida sarflanayotgan vaqtni nazorat qilishlari osonlashadi. Bu esa, ayniqsa, vaqtni tejash yoki kontentdan foydali tarzda foydalanishni istaydiganlar uchun foydali yechimdir.
Yangi funksiya yordamida foydalanuvchi o‘zi belgilagan vaqt tugagach, Shorts’ni ko‘rishni davom ettira olmaydi — bu esa keraksiz uzoq tomosha qilishlarning oldini oladi.
