AQSh Meksika pomidorlariga 21 foizlik boj joriy qilmoqda
Meksika AQShga meva va sabzavotlar yetkazib berishdagi eng yirik eksportchi hisoblanadi.
14-iyuldan boshlab AQSh Meksikadan import qilinayotgan pomidorlarning aksariyatiga 20,91 foizlik antidemping boji qo‘llaydi. AQSh Savdo vazirligi bu chora mamlakat ichki ishlab chiqaruvchilarini himoya qilish maqsadida ko‘rilganini ma’lum qildi.
Qayd etilishicha, Meksika pomidorlari “qimmat narxlarda” sotilayotgani va bu holat AQSh fermerlariga iqtisodiy zarar yetkazayotgani aniqlangan. Natijada tergovdan so‘ng ushbu bojlar joriy etilishi haqida qaror qabul qilindi.
Mazkur bojlar keng miqyosdagi savdo urushlaridan farq qilsa-da, u AQShda ortib borayotgan qishloq xo‘jaligi savdo kamomadini kamaytirish va mahalliy ishlab chiqaruvchilarni qo‘llab-quvvatlashga qaratilgan. Meksika esa hali ham AQShga pomidor, yangi mevalar va sabzavotlarning eng yirik eksportchisi bo‘lib qolmoqda.
