1 daqiqa uchun ishdan bo'shatilgan xodim
Xitoylik ayol uyga bir daqiqa erta ketgani uchun ishdan bo’shatildi.
2025-yil boshida Xitoyning Guangdong provinsiyasi, Guanchjou shahridagi sud bir ayol xodimning ishdan bo’shatilishini noqonuniy deb topdi va kompaniyani unga kompensatsiya to‘lashga majbur qildi.
Xabarlarga ko‘ra, Van ismli ayol o‘tgan yil oxirida ishdan bo‘shatilgan. Va bunga sabab sifatida kompaniya uni bir oy ichida olti marta ish vaqtining tugashidan bir daqiqa oldin ketganini ko‘rsatgan. Bu holat kompaniyadagi videokuzatuv yozuvlari orqali aniqlangan.
Kompaniya kadrlar bolimi boshligi Van bilan bog‘lanib, bu xatti-harakat ish tartibiga zid ekanini bildirgan va uni ishdan bo‘shatgan. Van esa bu qarorga norozilik bildirib, sud va mahalliy mehnat huquqlari organlariga murojaat qilgan. U uch yil davomida kompaniyada ishlaganini va ish faoliyati davomida yaxshi natijalarga erishganini ta’kidlagan.
Sud qarorida ishdan bo‘shatish uchun yetarli asos bo‘lmaganligi va kompaniya ichki tartib-qoidalariga ko‘ra, bu kabi holatlar uchun avval ogohlantirish berilishi kerakligi ta’kidlandi.
