AQSh Xitoyni izolyatsiyaga olish uchun keng koalitsiya yaratmoqchi
Tramp 70 ta davlatni Xitoyga qarshi global bojxona blokiga chorlamoqda.
AQSh prezidenti Donald Tramp boshchiligidagi ma’muriyat Xitoy iqtisodiyotini global miqyosda izolyatsiya qilish maqsadida 70 dan ortiq davlat bilan hamkorlik o‘rnatishga urinmoqda.
Washington tariflar bo‘yicha olib borilayotgan yangi muzokaralarda savdo hamkorlariga quyidagicha taklif bilan chiqmoqda: agar ular Xitoy mahsulotlariga kirishni cheklasa, AQSh o‘z boj siyosatini qayta ko‘rib chiqishga tayyor. Xususan, Xitoydan kelayotgan sanoat mahsulotlariga nisbatan xaridlarni kamaytirish, Xitoy kompaniyalarining faoliyatiga to‘sqinlik qilish va “oraliq tranzit” orqali Xitoy mahsulotlarini o‘z hududi orqali boshqa bozorlarga o‘tkazishga yo‘l qo‘ymaslikni taklif qilmoqda.
AQShning bu bosimi Pekin bilan kuchayib borayotgan savdo urushining davomidir. Yaqqol misol — AQSh Xitoy mahsulotlariga 145 foizgacha bo‘lgan bojlarni joriy qilgan bo‘lsa, Xitoy ham javoban Amerika tovarlariga 125 foizlik bojlar bilan javob qaytardi.
Tramp ma’muriyati xalqaro savdo zanjirlarini Xitoydan uzoqlashtirish orqali global ishlab chiqarish taqsimotini o‘zgartirishga urinmoqda. Bu esa global iqtisodiyotga uzoq muddatli ta’sir ko‘rsatishi mumkin.
