Fransiyada bir nechta qamoqxonaga hujum uyushtirildi
Shuningdek, muassasa xodimlari qo‘rqitilmoqda.
Fransiya Adliya vaziri Jerald Darmanenning maʼlum qilishicha, jazoni ijro etish muassasalarida xodimlarni qo‘rqitishga urinishlar, avtomobillarga o‘t qo‘yishdan tortib quroldan o‘q otishgacha bo‘lgan harakatlar sodir bo‘lmoqda.
BFMTV maʼlumotlariga ko‘ra, 15 aprel kuni tunda Lyuin (Bush-dyu-Ron departamenti) va Valans (Drom departamenti) qamoqxonalari yaqinidagi avtoturargohda avtomobillar yoqib yuborilgan, Tulonda (Var departamenti) esa nomaʼlum shaxslar mahalliy qamoqxona darvozasi oldida Kalashnikov avtomatidan o‘q uzishgan.
Bundan tashqari, Parij chekkasidagi Nanter (O-de-Sen departamenti) va Vilpent (Sen-Deni departamenti) hamda Nim shahridagi (Gar departamenti) qamoqxonalarga zarar yetkazilgani maʼlum qilindi.
Marselda ham bir nechta avtomobilga o‘t qo‘yildi. Ularning yonida jinoyatchilar DDPF yozuvlarini qoldirishgan – bu qisqartma “fransuz mahbuslarining huquqlari uchun” deb tarjima qilinadi.
