AQSh texnologiyalari vaqt va makonni boshqarishga qodir
Oq uy texnologik qudrati haqida gapirdi.
AQShning eng ilg‘or texnologiyalari vaqt va makonni boshqarishga imkon bermoqda. Bu haqda Oq uy fan va texnologiya siyosati boshqarmasi direktori Maykl Kratsios bayonot berdi.
“Bizning texnologiyalarimiz vaqt va makonni boshqarishga imkon beradi. Ular masofani yo‘q qiladi, yuklarni ko‘taradi va samaradorlikni oshiradi”, — dedi Kratsios.
Uning so‘zlariga ko‘ra, prezident Donald Tramp o‘z ma’muriyatiga Amerika xalqining yangilanishiga xizmat qilish vazifasini yuklagan. Kratsios bu maqsadga erishishda zamonaviy texnologiyalar hal qiluvchi rol o‘ynayotganini ta’kidladi.
Biroq amaldor “vaqt va makonni boshqarish” deganda aniq nima nazarda tutilganini ochiqlamadi. U bu ibora orqali texnologiyalarning masofaviy aloqalar, avtomatlashtirilgan tizimlar yoki muqobil harakatlanish vositalari orqali inson faoliyatini soddalashtirayotganiga ishora qilgan bo‘lishi mumkin.
