Ayol 16 yil davomida o‘zini kar va soqov qilib ko‘rsatdi
Sug‘urta kompaniyasi ayolga pensiya to‘lashni to‘xtatdi.
Ispaniyaning Andalusiya shahrida yashovchi ayol nogironlik bo‘yicha nafaqa olish uchun 16 yil mobaynida o‘zini kar va soqov qilib ko‘rsatgani fosh etildi. U 2003 yilda ish joyidagi hodisa natijasida ruhiy travma olganini aytib, ijtimoiy ta’minotdan doimiy nogironlik pensiyasi olishni boshlagan. Voqea supermarketda sodir bo‘lgan baxtsiz hodisadan so'ng, unga travmadan keyingi stress va nutqni yo‘qotish tashxisi qo‘yilgan edi.
Biroq sug‘urta kompaniyasi 2019 yilda ayolning sog‘lig‘i bo‘yicha yozuvlarini chuqur tahlil qilib chiqqach, 2009-yildan keyin u bilan ishlagan shifokorlarning birortasi bemorning so‘zlashuv qobiliyatida nuqson aniqlamaganini sezdi. Bu holat shubhali tuyulib, kompaniya maxsus tergovchi yolladi. Kuzatuv natijasida ayol muntazam telefonda gaplashayotgani, Zumba mashg‘ulotlariga qatnashayotgani va maktabda boshqa onalar bilan bemalol muloqot qilayotgani fosh bo‘ldi. Hatto tergovchi ayoldan ko‘chada yo‘l so‘raganda, u tergovchiga yo'lni to‘liq tushuntirib bergan.
Sud qaroriga ko‘ra, sug‘urta kompaniyasi ayolga pensiya to‘lashni to‘xtatdi. Endi unga nisbatan firibgarlik bo‘yicha jarima solinishi mumkin va sug‘urta kompaniyasi 16 yil davomida to‘langan mablag‘larni qaytarib olish uchun sudga murojaat qilmoqda.
