Shimoliy Koreyadagi tog' birinchi bor YUNESKO ro'yxatiga kiritildi
Paektu tog‘i Global geopark maqomiga ega bo‘ldi.
Shimoliy Koreyada joylashgan Paektu tog‘i ilk bor YuNESKO tomonidan Global geopark sifatida tan olinib, mamlakat tarixida birinchi marta xalqaro miqyosda bunday maqomga ega bo‘ldi.
Paektu tog‘i – Shimoliy Koreya va Xitoy chegarasida joylashgan faol stratovulqon bo‘lib, Koreya yarim orolidagi eng baland cho‘qqi hisoblanadi. U nafaqat tabiiy go‘zalligi, balki tarixiy va madaniy ahamiyati bilan ham ajralib turadi. Tog‘ haqida ko‘plab afsonalar mavjud, xususan, bu joy birinchi Koreya davlatining afsonaviy asoschisi Tangunning tug‘ilgan joyi deb e’tirof etiladi. KXDR hukumati esa Kimlar sulolasining kelib chiqishini “muqaddas Paektu qoni” bilan bog‘lanadi.
Bunga qadar Shimoliy Koreya YUNESKO kabi xalqaro tashkilotlar bilan cheklangan aloqalarda bo‘lib kelgan. Yangi maqom sayyohlik va madaniy hamkorlik sohasida o‘zgarishlarga olib kelishi mumkin. Biroq, hozircha mamlakatning izolyatsion siyosati fonida bu maqomning amaliy ta’siri qanday bo‘lishi noma’lumligicha qolmoqda.
