AQSHda 15 yoshli bola buvisini noutbuk sabab o‘ldirdi
U buvisini 35 marta pichoqlagan.
AQShning Nyu-York shahrida 15 yoshli o‘smir buvisi bilan kelib chiqqan janjal tufayli dahshatli jinoyat sodir etdi. O‘smir o‘zining 56 yoshli buvisini 35 marta pichoqlab, uni shafqatsizlarcha o‘ldirgan.
Ma’lumotlarga ko‘ra, voqea o‘smirning maktabga borishdan bosh tortishi ortidan boshlangan. Buvisi bolaning onasiga undan noutbugini tortib olish kerakligini aytgan. Bu qaror nabiraning g‘azabini keltirgan va u pichoq bilan unga hujum qilgan.
O‘smirning 36 yoshli onasi janjalga aralashganida, u ham pichoqlangan. U o‘zini o‘lgandek qilib ko‘rsatib, o‘g‘lining g‘azabidan qochishga uringan. Ammo qotil buvisiga pichoq urishda davom etgan. Ayol voqea joyida vafot etgan.
Onasi kasalxonaga yotqizilgan bo‘lib, holati og‘ir, ammo barqaror deb baholanmoqda.
Hudud prokurori Raymond A. Tierni o‘smirni qotillik, qotillikka urinish va zo‘ravonlikda aybladi. Sud tomonidan 15 yillik qamoq jazosi berilishi mumkin.
