Hamas moliyaviy inqirozga yuz tutmoqda

 

Ma'lum qilinishicha, Hamas mart oyidan beri jiddiy moliyaviy muammolarga duch kelmoqda. Ilgari harakat a’zolariga oylik 200–300 dollar to‘lanar edi, hozirda esa bu mablag‘ ikki barobarga kamaygan.

 

Ma'lumotlarga ko‘ra, bu inqirozga Isroilning harbiy amaliyotlari sabab bo‘lgan. G'azo sektorida Hamasning moliyaviy homiylari va rahbariyatiga berilgan zarbalar oqibatida naqd pul oqimi izdan chiqqan. Pul tarqatishning odatiy usullari — kurerlar yoki yashirin punktlar orqali — endi xavf ostida, ularni Isroil kuchlari nishonga olmoqda.

 

Hatto katta miqdorda pul bo‘lsa ham, uni tarqatish deyarli imkonsiz bo‘lib qolgan. Natijada, G'azo aholisining Hamasga nisbatan noroziligi kuchaymoqda. 16-aprel kuni minglab odamlar “Hamas ket!” shiori ostida ko‘chalarga chiqdi. Guvohlar bu namoyishni so‘nggi yillardagi eng katta noroziliklardan biri deb atamoqda.

 

Namoyishchilardan biri shunday dedi: “Bu oddiy namoyish emas. Bu minglab insonlarning yurakdan chiqqan talabi. Biz tinchlik istaymiz. Bolalarimiz halok bo‘layotganida Hamas jim turmasin — yashashni istaymiz.”