Fransiya fuqarolariga Eronga borishni taqiqladi
Sayohatlarga to‘liq taqiq joriy etildi.
Fransiya Tashqi ishlar vazirligi fuqarolariga Eronga sayohat qilishni qat’iyan man etganini rasman ma’lum qildi.
Ogohlantirishda ta’kidlanishicha, mintaqada geopolitik keskinlik ortib borayotgani va Eron hamda AQSh o‘rtasidagi muzokaralar fonida Fransiya o‘z fuqarolarining xavfsizligini ta’minlash maqsadida ushbu qat’iy chorani ko‘rgan.
Rasmiy bayonotda shunday deyiladi: “Hech qanday holatda ham fransuz fuqarolari Eronga sayohat qilmasligi lozim. Bu nafaqat xavfli, balki diplomatik muammolarga olib kelishi mumkin”.
Fransiya hukumati, shuningdek, Eron hududida bo‘lib turgan fuqarolarini zudlik bilan mamlakatni tark etishga chaqirdi.
Mazkur chora G‘arb va Eron o‘rtasidagi taranglik fonida xalqaro xavfsizlik choralari kuchaytirilayotganining yana bir dalili sifatida ko‘rilmoqda.
