Mehnat migrantlarining imtihonlari Rossiya g‘aznasini to‘ldirmoqda
Rossiya migratsiya imtihonlaridan 30 million dollar foyda oldi.
Rossiyada mehnat migrantlarining til, tarix va huquqiy bilimlardan imtihon topshirishi ortidan davlat byudjetiga 2,5 milliard rubl (taxminan 30,4 million dollar) tushgan. Bu haqda Davlat Dumasidagi “Yagona Rossiya” partiyasi rahbari Vladimir Vasilyev ma’lum qildi.
Uning so‘zlariga ko‘ra, avvallari bu sohadagi mablag‘lar korruptsiyaviy sxemalarda yo‘qolgan bo‘lsa, endilikda to‘g‘ridan-to‘g‘ri davlat g‘aznasiga yo‘naltirilmoqda.
Ma’lumot uchun, 2024-yil oktyabr oyida Rossiya Davlat Dumasi imtihon jarayonlarini davlat tasarrufiga o‘tkazish bo‘yicha qonun qabul qilgan. Natijada yagona tariflar belgilandi:
- Yashash huquqi olish uchun imtihon — 5 900 rubl,
- Ishlash huquqi uchun imtihon — 3 800 rubl.
Ushbu o‘zgarishlar nafaqat davlat byudjetini mustahkamlash, balki migrantlar uchun tartib-qoidalarni shaffoflashtirishga qaratilgan muhim qadam sifatida baholanmoqda.
