Xitoyda robotlar ilk bor marafonga chiqdi
Robotlar insonlar bilan yonma-yon yugurishgan.
Xitoyda ilk bor odamsimon robotlar odamlar bilan birga yarim marafon yugurishida ishtirok etdi. Xabarlarga ko‘ra, Pekinda bo‘lib o‘tgan Yizhuang yarim marafoni robototexnika sohasida inqilobiy voqeaga aylandi.
Ilmiy-tadqiqot institutlari va kompaniyalar tomonidan yaratilgan 21 nafar gumanoid robot 21 kilometr masofani bosib o‘tishga harakat qildi. Ayrim modellarda yuz ifodalari – tabassum qilish, ko‘z qisib qo‘yish – kabi insoniy mimikalar ham mavjud bo‘lgan.
Tomoshabin Xe Xishun robotlarning “juda barqaror va yoqimli” yugurganini aytib, bu robototexnika texnologiyasining sezilarli yutuqlaridan dalolat berishini ta’kidladi.
Har bir robotga inson murabbiylar hamrohlik qilgan. Ba’zi ishtirokchilar hatto o‘z robotlariga jismoniy yordam ko‘rsatgan. Ayrim robotlar maxsus sport kiyimida — krossovkalar, boks qo‘lqoplari va hattoki “G‘alaba qozonish kerak” deb yozilgan bosh bog‘ichlar bilan yugurgan.
Biroq, hech qaysi robot marra chizig‘igacha yetib bora olmagan. Bir robot musobaqa boshida yiqilib, bir necha daqiqadan so‘ng harakatni davom ettirgan. Boshqasi esa panjaraga urilib, sherigi bilan qulab tushgan.
Yarim marafon robotlar uchun ham sinov, ham evolyutsiyaning amaliy ko‘rinishi bo‘ldi. Bu esa kelajakda inson bilan robotning hamkorligiga asos bo‘lishi mumkin.
