Meksikada kuchli qum bo‘roni kuzatilmoqda
Bo‘ron tufayli aeroport va asosiy yo‘llar yopilgan.
Meksikaning shimoliy hududlarida kuchli qum bo‘roni yuz berdi. Xabar berilishicha, tabiiy ofat bir nechta aholi punktlarini qamrab olgan va hayotiy infratuzilmalarga jiddiy ta’sir ko‘rsatmoqda.
Bo‘ron oqibatida Chihuahua xalqaro aeroportida barcha samolyotlar parvozlari to‘xtatilgan. Shu bilan birga, mamlakatdagi muhim avtomobil yo‘llaridan biri — Pan-Amerika shossesi ham vaqtincha yopilgan.
Rasmiylarning ma'lumotlariga ko‘ra, hodisa natijasida hozircha qurbonlar yoki jarohatlanganlar haqida ma’lumot yo‘q. Hukumat aholini ehtiyot bo‘lishga va imkon qadar ochiq joylarda yurmaslikka chaqirmoqda.
