Vatikanda Papa bilan vidolashish marosimi boshlandi
Yangi Papa saylovi 11 may kuni boshlanadi.
Papa Fransisk 89 yoshida Rimda olamdan o‘tdi. Uning vafoti bilan katolik cherkovi rasman motam davriga kirdi. Bu davr, qadimiy marosimlarga ko‘ra, qat’iy protokollarga asoslanib o‘tmoqda.
Ilgari Papa vafotini kardinal maxsus kumush bolg‘acha bilan peshonasiga urib tasdiqlagan bo‘lsa, hozirda bu vazifani Papa shifokori bajaradi. Vafot tasdiqlangach, Pontifik xonasi muhrlanadi — hech kim hujjatlar va shaxsiy buyumlariga tegishga haqli emas. Shveytsariya gvardiyasi motam belgisi sifatida rang-barang formalarini to‘q ko‘k rangdagisiga almashtiradi.
Papa Fransiskning jasadi uch kun davomida Avliyo Pyotr soborida saqlanadi, bu vaqt mobaynida dindorlar u bilan vidolashishlari mumkin. Avvalgi Papalardan farqli o‘laroq, Fransisk ochiq katafalkda emas, balki yopiq tobutda yotadi. Uning dafn marosimi, ehtimol, Vatikan bazilikasida emas, balki u hayotligida dafn qilinishini istagan Santa-Mariya-Madjor bazilikasida bo‘lib o‘tadi.
Yangi Papa saylovi — konklav, 11 may kuni Sikstin kapellasida boshlanadi. Ushbu maxfiy yig‘ilishda 80 yoshdan kichik bo‘lgan kardinalar ishtirok etadi va yangi Rim Papasi saylanadi.
