Dunyo bo'yicha sport milliarderlari reytingi e’lon qilindi

 

Basketbol afsonasi Maykl Jordan barcha davrlarning eng ko‘p daromad olgan sportchisi deb e’tirof etildi. Ma’lumotlarga ko‘ra, Jordan o‘z faoliyati davomida hozirgi kurs bo‘yicha 4,15 milliard dollar ishlab topgan. Uning real daromadi esa 3 milliard dollar bo‘lib, bu raqam inflyatsiya darajasiga moslashtirilgan holda hisoblab chiqilgan. Maykl Jordan 2003-yilda faoliyatini yakunlagan va olti karra NBA chempioni hisoblanadi.

 

Reytingda ikkinchi o‘rinni golf yulduzi Tayer Vuds egalladi — inflyatsiyaga moslashtirilgan holda uning daromadi 2,79 milliard dollarni, real daromadi esa 1,9 milliard dollarni tashkil etgan.

 

Kuchli uchlikni esa portugaliyalik futbol yulduzi Krishtianu Ronaldu yakunlab, uning umumiy daromadi 2,23 milliard dollar, real hisobda esa 1,83 milliard dollarga yetgan.

 

Ro‘yxatda shuningdek, quyidagi sportchilar ham yuqori daromad egalari qatorida qayd etilgan:

• Lebron Jeyms – 1,88 mlrd (inflyatsiya bilan), 1,49 mlrd (real)
• Lionel Messi – 1,85 mlrd, 1,49 mlrd
• Devid Bekxem – 1,61 mlrd, 1,2 mlrd
• Rojer Federer – 1,59 mlrd, 1,23 mlrd
• Floyd Meyvezer – 1,52 mlrd, 1,15 mlrd

 

Golf ustalari Arnold Palmer va Jek Niklaus ham ro‘yxatning yuqori pog‘onalaridan joy oldi. Ular mos ravishda 1,82 mlrd va 1,75 mlrd dollar (inflyatsiyalangan daromad) bilan oltinchi va yettinchi o‘rinlarni egalladi. Palmer 2016-yilda vafot etgan.

 

Umumiy reytingda jami 50 sportchi kiritilgan bo‘lib, ular 16 ta mamlakat va sakkizta sport turini ifodalaydi. Eng ko‘p vakillik basketbolchilarga to‘g‘ri keladi — 13 nafar. Ro‘yxatdagi yagona ayol sportchi — tennis yulduzi Serena Uilyams, u 40-o‘rinni egallagan (660 million va 485 million dollar).