Buyuk Britaniya va Fransiya Ukrainani qo'llab-quvvatlashda davom etadi
"Ukraina bilan birga ekanimizni unutmaymiz".
Buyuk Britaniya va Fransiya Ukraina bilan birdamlikda ekanini yana bir bor tasdiqladi. Bu bayonot AQSh vitse-prezidenti Jey Di Vensning Ukraina bo‘yicha tinchlik muzokaralaridan chiqish ehtimoli haqidagi so‘zlariga javoban bildirildi.
Buyuk Britaniya bosh vaziri Kiir Starmerning matbuot kotibi:
"Oxir-oqibat, Ukraina o‘z kelajagini o‘zi belgilaydi. Ammo biz uni hech qachon yolg‘iz qoldirmaymiz", — deya ta’kidladi.
Fransiya prezidenti Emmanuel Makron ma’muriyati esa quyidagicha bayonot berdi:
"Ukrainaning hududiy yaxlitligi va Yevropa integratsiyasiga intilishi – bu Yevropa xalqlari uchun nihoyatda muhimdir".
Ushbu bayonotlar G‘arb mamlakatlarining Ukrainaga bo‘lgan doimiy siyosiy va diplomatik qo‘llab-quvvatlovini yana bir bor tasdiqladi.
