NATOning harakatlari global urushga sabab bo'ladi
NATO tinchlikparvar kuchlari Ukrainaga kiritilsa, bu uchinchi jahon urushiga olib kelishi mumkin.
Rossiyaning sobiq mudofaa vaziri, hozirda Xavfsizlik kengashi kotibi vazifasini bajarayotgan Sergey Shoygu, Yevropa davlatlari tomonidan Ukrainaga tinchlikparvar kuchlar kiritilishi mumkinligi haqidagi fikrlarga keskin munosabat bildirdi.
Uning so‘zlariga ko‘ra, agar NATOga a’zo mamlakatlar o‘z harbiylarini Ukraina hududiga joylashtirsa, bu bevosita NATO bilan Rossiya o‘rtasida harbiy to‘qnashuv xavfini tug‘diradi va oxir-oqibat uchinchi jahon urushi boshlanishi mumkin.
“Yevropadagi oqil siyosatchilar bu ssenariyning oqibatlarini anglab yetishmoqda”, — dedi Shoygu. U shuningdek, Ukrainani "bizning tarixiy hududimiz" deb atadi.
Eslatib o‘tamiz, ommaviy axborot vositalarida tarqalgan Trampning “tinchlik rejasi”ga ko‘ra, urush tugatilgach, Ukraina hududiga Yevropa Ittifoqi davlatlarining tinchlikparvar kuchlari joylashtirilishi mumkin, biroq bu harbiylarga AQSh tomonidan xavfsizlik kafolatlari berilmaydi. Ana shu sababli, Buyuk Britaniya va Fransiya ushbu rejaga nisbatan ehtiyotkorlik bilan yondashmoqda hamda o‘z qo‘shinlarini yuborishni istamayapti.
