Rossiya Kiyevga raketa va dronlar hujumi uyushtirdi
Hujum oqibatida 9 kishi halok bo'lgan.
24-aprelga o‘tar kechasi Rossiya Qurolli kuchlari tomonidan Kiev shahri raketa va dronlar yordamida nishonga olindi. Ukraina Favqulodda holatlar xizmati bergan rasmiy ma’lumotga ko‘ra, hujum natijasida kamida to‘qqiz kishi halok bo‘lgan, 63 kishi tan jarohati olgan, ulardan 42 nafari shifoxonaga yotqizilgan, jumladan olti nafar bola ham bor.
Rasmiy bayonotda aytilishicha, qutqaruvchilar vayron bo‘lgan yashash binolari ostidan tirik qolganlarni izlashni davom ettirmoqda.
“Tunda amalga oshirilgan hujum oqibatlarini bartaraf etish ishlari hozirda poytaxtning beshta tumanida davom etmoqda,” — deyiladi Favqulodda holatlar davlat xizmatining xabarida.
Bu hujum Kievga qaratilgan so‘nggi oylardagi eng yirik va ko‘p qurbonlarga olib kelgan zarba sifatida baholanmoqda.
