BMTda Suriyaning yangi bayrog‘i ko‘tarildi
Nyu-Yorkda Suriyaning yangi siyosiy ramzi namoyon bo‘ldi.
Birlashgan Millatlar Tashkilotining Nyu-Yorkdagi bosh qarorgohida Suriyaning yangi bayrog‘ini ko‘tarish marosimi bo‘lib o‘tdi.
Tadbirda Suriya hukumati tashqi ishlar vaziri Asaad Hasan Ash-Shiboniy, bir qator xorijiy diplomatlar, BMT vakillari hamda ommaviy axborot vositalari ishtirok etdi.
Ko‘tarilgan yangi bayroq — yashil, oq va qora ranglardan iborat bo‘lib, unda uchta qizil yulduz tasvirlangan. Bu ramz 2011-yildan beri Suriya muxolifati tomonidan ishlatib kelinmoqda va hozirda xalqaro hamjamiyat tomonidan tan olingan yangi hukumat timsoli sifatida qaralayapti.
Marosim vaqtida BMT shtab-kvartirasi yaqinida yangi hukumat tarafdorlari to‘planib, ushbu tarixiy voqeani olqishlashdi.
Bu voqea Suriyadagi siyosiy o‘zgarishlar xalqaro darajada tan olinayotganining yana bir isboti sifatida talqin qilinmoqda.
