Fransiyada 1,2 tonnalik gigant tort tayyorlandi
Dunyoning eng uzun torti rekordi yangilandi.
Fransiyada shirinlik ixlosmandlari uzunligi 121,8 metr va og‘irligi 1,2 tonna bo‘lgan ulkan qulupnay tortini tayyorlab, yangi jahon rekordini o‘rnatishdi.
Ushbu rekord Yusuf Al-Qatu boshchiligidagi 20 nafar oshpazdan iborat jamoa tomonidan tayyorlangan. Tortni tayyorlash uchun 4000 dona tuxum, 350 kg qulupnay, 150 kg shakar kukuni va 415 kg qaymoq ishlatilgan.
Gigant desertni tayyorlash bir hafta davom etdi. Tort muz maydonchasida namoyish qilindi va mehmonlarga uni tatib ko‘rish imkoniyati berildi.
Oshpazlardan birining aytishicha, tayyorlash jarayonidagi eng qiyin vazifa — kremni isitish uchun qozon haroratini to‘g‘ri nazorat qilish bo‘lgan.
