AQSh va Eron yadroviy muzokaralarning uchinchi bosqichini o‘tkazdi
Vashington va Tehron o‘rtasidagi muzokaralar may oyida davom etadi.
AQSh va Eron o‘rtasidagi yadroviy dastur bo‘yicha muzokaralarning uchinchi bosqichi 26-aprel kuni Ummon hududida bo‘lib o‘tdi. Ma'lum qilinishicha, AQSh delegatsiyasiga Trampning maxsus vakili Stiven Vitkoff, Eron delegatsiyasiga esa mamlakat tashqi ishlar vaziri Abbos Aroqchi rahbarlik qilgan. Har ikki tomondan muzokaralarda maxsus ekspertlar ham ishtirok etgan.
Muzokaralar to‘g‘ridan-to‘g‘ri bo‘lmagan (bilvosita) shaklda o‘tgan va uchinchi bosqich natijalari hozircha rasman oshkor qilinmagan.
Ummon tashqi ishlar vaziri Badr al-Busaydi bergan ma’lumotga ko‘ra, Washington va Tehron o‘rtasidagi muloqot may oyi boshida davom ettiriladi. U 26-apreldagi maslahatlashuvlar barcha tomonlarning “o‘zaro hurmatga asoslangan kelishuvga erishish” istagini ifodalaganini ta’kidlagan.
Xabarlarga ko'ra, muzokaralarning asosiy maqsadi — Eronning yadroviy qurol yaratishiga yo‘l qo‘ymaslik hamda AQSh tomonidan Tehronga nisbatan qo‘llanilgan sanksiyalarni bekor qilish evaziga yangi yadroviy kelishuvga erishishdir.
