Kanadada mashina olomonni bosib ketdi
Festivaldagi fojia yuzasidan haydovchi qo‘lga olingan.
Kanadaning Vankuver shahrida festival davomida avtomobil olomon ustiga haydalishi oqibatida kamida 9 kishi halok bo‘ldi, 6 kishi jarohat oldi.
Halok bo‘lganlardan biri bola ekani aytilmoqda. Kanada politsiyasi voqeani dastlabki surishtiruv asosida terrorchilik harakati sifatida baholamadi. Bu haqda mamlakat Ichki ishlar vazirligi ijtimoiy tarmoqdagi “X” platformasidagi sahifasida ma’lum qildi.
“Biz hozirda ushbu hodisa terrorchilik harakati emasligiga ishonch bildiramiz”, — deyiladi rasmiy bayonotda.
Ma’lum qilinishicha, voqeaga sababchi bo‘lgan 30 yoshli haydovchi qo‘lga olingan. Hodisa tafsilotlari bo‘yicha tergov ishlari olib borilmoqda.
