Rossiya chegaralarda harbiy qismlar va temir yo‘l qurmoqda
Rossiya Boltiqbo‘yi davlatlariga cheklangan operatsiya o‘tkazishi mumkin.
Ma'lum qilinishicha, Planet kompaniyasi tomonidan taqdim etilgan tijorat sun’iy yo‘ldosh tasvirlariga ko‘ra, so‘nggi yillarda Rossiya Finlyandiya va Norvegiya bilan chegaradosh hududlarda harbiy qismlarini kengaytirmoqda hamda Finlyandiya, Norvegiya va Estoniya bilan chegara bo‘ylab yangi temir yo‘l tarmoqlarini qurmoqda.
Ekspertlarning fikricha, bu harakatlar Rossiyaning ehtimoliy harbiy mojaroga tayyorgarlik ko‘rayotganidan dalolat beradi.
Yevropa razvedka xodimi The Wall Street Journal’ga bergan izohida, Rossiya NATO ittifoqi birligini shubha ostiga qo‘yish uchun alyans a’zosi bo‘lgan kichik davlat — masalan, rus aholisi nisbatan ko‘p bo‘lgan Estoniyaga bostirib kirishga urinish ehtimoli borligini ta’kidladi.
Karnegi jamg‘armasining Rossiya va Yevroosiyo dasturi katta ilmiy xodimi Maykl Kofmanning fikricha esa, Rossiya yaqin orada Boltiqbo‘yi davlatlariga qarshi “cheklangan harbiy operatsiya” o‘tkazishi mumkin.
