Yevropa Ittifoqi mudofaa sohasiga sarmoyani oshirmoqda
Ukraina ilk bor Yevropa mudofaa loyihalarida qatnashmoqda.
Yevropa Ittifoqi 910 million yevro miqdoridagi yangi mablag‘ni mudofaa tadqiqotlari va innovatsion ishlanmalarga ajratdi. Ushbu mablag‘lar Yevropa Mudofaa Jamg‘armasi doirasida 62 ta ilg‘or loyiha uchun yo‘naltirilmoqda. Loyiha ishtirokchilari orasida ilk bor Ukraina ham qatnashmoqda.
Yevrokomissiya bergan ma'lumotga ko‘ra, Ukrainadagi Small UAS kompaniyasining sun’iy intellekt orqali boshqariladigan zamonaviy aerodinamik tizimlar ishlab chiqishga oid loyihasi tanlab olingan. Bu Ukraina uchun muhim texnologik qadam bo‘lib, mamlakatning Yevropa mudofaa tizimidagi rolini mustahkamlashi kutilmoqda.
Boshqa tashabbuslar orasida 78 million yevroga baholangan gipertovushli uchuvchisiz qurilmalarga qarshi maxfiy loyiha, 2030-yilgacha ishlab chiqilishi rejalashtirilgan yangi avlod Yevropa vertolyoti, ommaviy qirg‘in qurollaridan himoya tizimlari, minani yo‘q qilishga mo‘ljallangan yagona, avtomatlashtirilgan Yevropa tizimi, yangi avlod materiallarini ishlab chiqish tashabbuslari mavjud.
Shu bilan, 2021-yildan buyon Yevropa Ittifoqi mudofaa sohasidagi tadqiqot va ishlanmalarga ajratgan umumiy mablag‘ 4 milliard yevrodan oshdi.
