Matbuot erkinligi bo'yicha dunyo bo‘ylab tarixiy past ko‘rsatkich qayd etildi

 

“Chegara bilmas muxbirlar” (RSF) tashkilotining 2025 yilgi yillik hisobotida aytilishicha, dunyo bo‘yicha matbuot erkinligi tarixdagi eng past darajaga tushib ketgan.

 

Hisobotda 180 davlatdagi ommaviy axborot vositalarining holati siyosiy muhit, huquqiy asos, iqtisodiy sharoit, ijtimoiy-madaniy omillar va xavfsizlik mezonlari asosida baholangan.

 

Natijalarga ko‘ra, 160 mamlakatda OAVlar barqaror faoliyat yurita olmayapti yoki og‘ir sharoitda ishlamoqda. Qariyb uchdan bir davlatda iqtisodiy bosim va rasmiy to‘siqlar sabab bir qancha nashrlar yopilgan. 46 mamlakatda esa matbuot faqat boy elitaga xizmat qilmoqda — Rossiya ham bu ro‘yxatda qayd etilgan.

 

Rossiya 2025-yilda 171-o‘ringa tushib, reytingda eng yomon natijalarni ko‘rsatgan davlatlardan biriga aylangan (24,57 ball). U Mısır va Nikaragua bilan bir qatorda turibdi.

 

Postsovet hududida eng og‘ir holat Turkmansitonda kuzatilmoqda — mamlakat 174-o‘rinni egallagan (19,14 ball). Undan past faqat Afg‘oniston, Eron, Suriya, Xitoy, Shimoliy Koreya va Eritreya joylashgan.

 

Markaziy Osiyodagi holat ham ijobiy emas:

• O‘zbekiston — 148-o‘rin (35,24 ball)
• Tojikiston — 153-o‘rin (32,21 ball)
• Qirg‘iziston — 144-o‘rin (37,46 ball)
• Qozog‘iston — 141-o‘rin (39,34 ball)

 

Belarus (166-o‘rin) va Ozarbayjon (167-o‘rin) Rossiyadan bir oz yuqorida joylashgan.