AQSh–Eron muzokaralari davom etmoqda
AQSh: Eron bilan yadroviy muzokaralarda ijobiy siljish bor.
AQSh va Eron o‘rtasidagi yadroviy dastur bo‘yicha muzokaralarning to‘rtinchi bosqichi 10–11 may kunlari o‘tkazilishi mumkin. Bu haqda AQSh prezidentining Yaqin Sharq bo‘yicha maxsus vakili Stiven Uitkoff ma’lum qildi.
Uitkoff so'zlariga ko‘ra, muzokaralar Donald Trampning Yaqin Sharqqa rejalashtirilgan tashrifi tufayli kechiktirilishi mumkin, biroq boshqa holatlarda ular belgilangan vaqtda o‘tkaziladi.
“Muzokaralar muhim bosqichga kirdi. Biz muayyan yutuqlarga erishyapmiz. Prezident Tramp masalani diplomatik yo‘l bilan hal qilish tarafdori va biz shu yo‘lda harakat qilmoqdamiz”, — dedi Uitkoff jurnalistlarga bergan izohida.
