Hindistonda o‘quvchilar ilon go‘shti qo‘shilgan ovqatdan zaharlandi
Hozir politsiya voqeani o‘rganmoqda.
Hindistonning davlat maktabida 100 nafar bola ilon go‘shti aralashgan ovqatdan zaharlandi. Voqea ota-onalar orasida katta norozilikka sabab bo‘lib, ular maktab oldidagi katta yo‘lni to‘sib qo‘yishdi. Shundan so‘ng Inson huquqlari milliy komissiyasi (NHRC) voqeani o‘rganishga kirishdi.
“Ilon go‘shti ovqatga qo‘shilgani tasdiqlansa, bu bolalarning huquqlari jiddiy buzilganini bildiradi,” — deyiladi komissiya bayonotida. Hozir politsiya batafsil hisobot tayyorlamoqda.
Mahalliy aholi tergov natijalaridan adolat kutib, bunday holatlar takrorlanmasligiga umid bildirmoqda.
