Ruminiya bosh vaziri iste’foga chiqishini e’lon qildi
U prezidentlik saylovlaridan keyin bu qarorga kelgan.
Ruminiya bosh vaziri Marchel Cholaku siyosiy mas’uliyatni zimmasiga olib, iste’foga chiqishini e’lon qildi. U bu qarorni 5-may kuni partiya yig‘ilishidan so‘ng jurnalistlarga ma’lum qildi.
“Saylov natijalari shuni ko‘rsatdiki, hukmron koalitsiya endi xalqning ishonchini yo‘qotgan. Shuning uchun bosh vazir lavozimidan ketishga qaror qildim,” — dedi Cholaku ochiq va halol ohangda.
Eslatib o‘tamiz, 4-may kuni o‘tgan prezidentlik saylovlarining birinchi bosqichida o‘ta o‘ngchi siyosatchi Jorje Simion yetakchilik qildi, Buxarest meri Nikushor Dan ikkinchi, hukmron koalitsiya nomzodi Kren Antonesku esa uchinchi o‘rinni egalladi. Bu natijalar Ruminiya siyosatida katta o‘zgarishlar bo‘lishi mumkinligini ko‘rsatmoqda.
