O‘zbekiston Hindiston va Pokiston o‘rtasidagi ziddiyat yuzasidan bayonot berdi
O‘zbekiston mojaroni muloqot orqali hal qilishga chaqirmoqda.
O‘zbekiston Tashqi ishlar vazirligi Hindiston va Pokiston o‘rtasida keskinlashib borayotgan vaziyatdan chuqur xavotirda ekanini bildirdi. Bayonotda tomonlar vazminlikka, mintaqaviy barqarorlik va tinchlik manfaatlarini inobatga olgan holda harakat qilishga chaqirildi.
"Biz ikki davlatni vaziyatni yanada keskinlashtirmasdan, diplomatik muloqot orqali muammolarga yechim izlashga chaqiramiz. Tinchlik va barqarorlikni ta’minlash yo‘lida barcha diplomatik imkoniyatlardan foydalanish muhim", — deyiladi bayonotda.
Shuningdek, O‘zbekiston bu borada xalqaro va mintaqaviy darajadagi har qanday tinchlikka qaratilgan tashabbuslarni qo‘llab-quvvatlashga tayyor ekanini ta’kidladi.
