AQSH Pokiston va Hindistonga yordam taklif qildi
U vaziyatni yumshatmoqchi.
AQSH davlat kotibi Marko Rubio Pokiston armiyasi boshlig‘i general Asim Munir bilan suhbatda Pokiston va Hindiston o‘rtasidagi ziddiyatni yumshatish yo‘llarini topishni tavsiya qildi. Bu haqda Davlat departamenti vakili Temmi Bryus ma’lum qildi.
Rubio, shuningdek, kelajakda mojaroning kuchayib ketishi oldini olish uchun Qo‘shma Shtatlar konstruktiv muzokaralar o‘tkazishda yordam berishga tayyorligini bildirgan.
Eslatib o‘tamiz, 10 may kuni erta tongda Pokiston Hindistonning o‘z aviabazalariga raketa hujumlariga javoban yirik harbiy operatsiya boshlaganini e’lon qildi. Hindiston tomoni esa mojaro kuchayishiga tayyor ekanini bildirgan.
