Britaniyalik ayol plastik jarrohlikdan so‘ng aeroportdan o‘tkazilmadi
Pasport nazorati tizimi uni suratidan tanimagan.
35 yoshli britaniyalik bloger Eshli Stobart plastik jarrohlik amaliyotlaridan keyin aeroportda kutilmagan muammoga duch keldi. Pasport nazorati tizimi uni suratidan tanimay qoldi. U Nip Tuck podkastida bu haqda shikoyat qilib, “Yuzim ustida shunchalik ko‘p ish qilinganidan, endi avtomatik tekshiruvdan o‘tolmayman,” dedi.
Stobart rinoplastika, facelift, qosh ko‘tarish va lab o‘zgartirish kabi ko‘plab muolajalarni o‘tkazganini yashirmaydi. Natijada u o‘zini yangi insondek his qilayotgan bo‘lsa-da, sayohatlari endi murakkablashgan.
Aeroport xodimlari unga shaxsini tasdiqlovchi boshqa hujjatlar, kredit kartalari va hattoki eski suratlarini ko‘rsatishni so‘ragan. Stobartning so‘zlariga ko‘ra, endi har bir reysda qo‘shimcha tekshiruvlardan o‘tishga to‘g‘ri kelmoqda.
