Hindiston va Pokiston o‘t ochishni to‘xtatishga kelishdi
AQSH vositachiligida Dehli va Islomobod sulhga erishdi.
AQSH prezidenti Donald Tramp Hindiston va Pokiston o‘rtasida to‘liq va darhol kuchga kiradigan o‘t ochishni to‘xtatish bo‘yicha kelishuvga erishilganini ma’lum qildi.
Uning so‘zlariga ko‘ra, ushbu natijaga AQSH vositachiligida kechasi bo‘lib o‘tgan uzoq muzokaralar orqali erishilgan.
“Men Hindiston va Pokistonning o‘t ochishni to‘liq va darhol to‘xtatishga kelishganini mamnuniyat bilan e’lon qilaman. Har ikki davlatni oqilona va mas’uliyatli qarorlar uchun tabriklayman! Bu masalaga e’tibor qaratgan barcha tomonlarga rahmat”, — deb yozdi Tramp Truth Social’dagi sahifasida.
Mazkur kelishuv Janubiy Osiyoda tinchlik sari muhim qadam bo‘lishi mumkin.
