Hindistonda xavfsizlik choralari kuchaytirilmoqda
Hindistonda 32 ta aeroport vaqtincha yopildi.
Ma'lum qilinishicha, Hindiston hukumati 15-mayga qadar mamlakatdagi 32 ta aeroportni fuqarolik reyslari uchun vaqtincha yopdi. Ushbu chora-tadbirlar mahalliy vaqt bilan 05:29 gacha amal qiladi.
Rasmiy xabarlarga ko‘ra, aeroportlar faoliyatining to‘xtatilishi Hindistonda xavfsizlik choralari kuchaytirilayotganiga bog‘liq. Fuqarolik aviatsiyasi xavfsizlik byurosi (BCAS) barcha aviakompaniyalar va aeroportlarga xavfsizlikni oshirish bo‘yicha maxsus ko‘rsatmalar bergan.
Manbalarga ko‘ra, aeroportlarning yopilishi muhim ichki yoki mintaqaviy xavfsizlik sabablari bilan bog‘liq bo‘lishi mumkin. Hozircha rasmiylar ushbu choralar nega aynan shu sanaga qadar joriy etilganini ochiqlamagan.
