Jenevada AQSH-Xitoy savdo muzokaralari boshlandi

 

Shveysariyaning Jeneva shahrida AQSH va Xitoy o‘rtasida savdo munosabatlariga oid muzokaralar boshlandi. Bu haqda Sinxua agentligi xabar bermoqda.

 

Uchrashuvda Xitoy tomonidan Bosh vazir o‘rinbosari Xe Lifen, AQSH tomonidan esa moliya vaziri Skott Bessent ishtirok etmoqda.

 

Xabarlarga ko‘ra, AQSH prezidenti Donald Tramp yaqin haftalarda Xitoy mahsulotlariga joriy etilgan boj stavkalarini 145 foizdan 50 foizgacha tushirish ehtimoli haqida bayonot bergan.

 

“Hozirgi boj stavkalari juda yuqori – 145 foiz. Ularni pasaytirishimiz mumkin. Menimcha, Xitoy bilan yaxshi savdo munosabatlarini yo‘lga qo‘yishimiz mumkin bo‘ladi”, — degan Tramp.

 

Mazkur muzokaralar kelgusi haftalarda ikki tomonlama iqtisodiy aloqalarga sezilarli ta’sir ko‘rsatishi kutilmoqda.