Ukraina 12-maydan 30 kunlik sulhga tayyor
Zelenskiy va G‘arb yetakchilari Tramp bilan sulhni muhokama qildi.
Ukraina 12-maydan boshlab barcha yo‘nalishlarda 30 kunlik o‘t ochishni to‘xtatishga tayyor. Bu haqda mamlakat tashqi ishlar vaziri Andrey Sibiga “xohlovchilar koalitsiyasi” yig‘ilishi yakunlari bo‘yicha e’lon qildi.
Sibiga bayonotiga ko‘ra, yig‘ilishdan so‘ng Ukraina prezidenti Vladimir Zelenskiy, Fransiya prezidenti Emmanuel Makron, Germaniya nomidan siyosatchi Fridrix Mers, YeI Kengashining rahbari Donald Tusk va Buyuk Britaniya bosh vaziri Kir Starmer AQSH prezidenti Donald Tramp bilan telefon orqali muloqot qilgan.
“Koalitsiyadagi besh yetakchi tinchlik tashabbuslari doirasida Tramp bilan konstruktiv suhbat o‘tkazdi. Ukraina va uning ittifoqchilari hech qanday shartsiz, havoda, quruklikda va dengizda o‘t ochishni to‘xtatishga tayyor. Bu yaqin dushanbadan boshlanishi mumkin”, — dedi Sibiga.
Uning so‘zlariga ko‘ra, agar Rossiya ham rozi bo‘lsa va kuchli monitoring mexanizmi joriy etilsa, bu uzoq muddatli o‘t ochishni to‘xtatish va tinchlik muzokaralarini boshlash uchun asos bo‘lishi mumkin.
Avvalroq Rossiya tinchlikka faqat G‘arb Ukrainaga qurol yetkazib berishni to‘xtatgandagina rozilik bildirishini aytgan edi.
