Ukraina bilan muzokaralar 15-may kuni bo‘lishi mumkin
Putin Istanbulda to‘g‘ridan-to‘g‘ri muzokaralar taklifini berdi.
Rossiya prezidenti Vladimir Putin Ukraina bilan to‘g‘ridan-to‘g‘ri muzokaralarni 15-may kuni Istanbulda davom ettirishni taklif qildi. Bu haqda u Kremlda bo‘lib o‘tgan matbuot anjumanida bayonot berdi.
Putinning aytishicha, u Turkiya prezidenti Rajab Toyyib Erdo‘g‘on bilan muzokaralar masalasini muhokama qiladi hamda Istanbulda yangi muzokaralar bosqichi uchun platforma yaratishni so‘raydi.
“Rossiya jiddiy muzokaralarga tayyor. Bu jarayon davomida o‘t ochishni to‘xtatish bo‘yicha kelishuvga erishish ehtimoli ham bor. Endi qaror Kiyev va uning tashqi kuratorlariga bog‘liq”, — dedi Putin.
U, shuningdek, Rossiya AQSh prezidenti Donald Tramp ma’muriyatiga tinchlikka erishish yo‘lida ko‘rsatgan vositachilik sa’y-harakatlari uchun minnatdorlik bildirdi.
Putin, matbuot anjumani yakunida, joriy yilning sentabr oyida Xitoyga rasmiy tashrif buyurishini tasdiqladi.
