Hindiston Pokiston bilan urush tufayli yopilgan aeroportlarni ochdi
32 ta yopilgan aeroportda parvozlar qayta tiklandi.
Hindiston rasmiylari mamlakatning shimoliy va g‘arbiy hududlarida Pokiston bilan bog‘liq xavfsizlik vaziyati keskinlashgani sababli vaqtincha yopilgan 32 ta aeroport faoliyati yana tiklandi.
Avvalroq, 9–14 may kunlari davomida 487 ta aeroportdan 32 tasi xavfsizlik va operatsion sabablarga ko‘ra vaqtincha yopilgani ma’lum qilingan edi. Aeroportlarni yopish qarori Pokiston bilan chegaradosh hududlarda harbiy keskinlik ortib borayotgan bir paytda qabul qilingan.
Xabarlarga ko‘ra, Hindiston aeroportlari ma’muriyati tomonidan yangi NOTAM (uchuvchilar uchun bildirishnoma) chiqarilgan bo‘lib, bu 32 ta aeroportda fuqarolik parvozlariga ruxsat berilishini bildiradi.
Ushbu qaror Hindiston havo kuchlarining ko‘rsatmalaridan so‘ng qabul qilingan va parvozlar xavfsizligi ta’minlangani ta'kidlangan.
