Polshada noqonuniy migratsiyaga qarshi namoyish o‘tkazildi

 

Polsha poytaxti Varshava shahrida minglab fuqarolar noqonuniy migratsiyaga qarshi norozilik namoyishi o‘tkazishdi. AFP agentligining xabar berishicha, ishtirokchilar qo‘llarida Polsha bayroqlarini ko‘tarib, “Migratsiya yo‘q!” kabi shiorlarni baland ovozda hayqirganlar.

 

Namoyishchilar orasida ko‘pchilik mamlakatdagi prezidentlik saylovlarida “Haqiqat va Adolat” (PiS) partiyasi tomonidan qo‘llab-quvvatlanayotgan nomzod — Milliy xotira instituti rahbari Karol Navrotskiyga ochiqcha qo‘llab-quvvatlov bildirgan. U PiS partiyasining asosiy nomzodi hisoblanadi.

 

Polshada prezidentlik saylovining birinchi bosqichi 18-may kuni bo‘lib o‘tadi. Asosiy raqobat Navrotskiy va Varshava meri Rafil Tshaskovskiy o‘rtasida kechadi. Tshaskovskiy markazchi-umummilliy “Fuqarolik platformasi” partiyasi nomzodi bo‘lib, u bosh vazir Donald Tusk tomonidan qo‘llab-quvvatlanmoqda.

 

So‘rovnomalarga ko‘ra, saylovning birinchi bosqichida hech bir nomzod yetarli ovoz to‘play olmasligi mumkin, bu esa ikkinchi bosqichda hal qilinishi mumkinligini anglatadi.

 

Shuningdek, yaqinda Polsha Raqamlashtirish vaziri Kshishtof Gawkowski Rossiyani saylov jarayonlariga aralashishda ayblab, Moskva Polshada kiberhujumlar, dezinformatsiya va sabotasiyalarning asosiy manbai bo‘lib qolayotganini bildirgan edi.