Tramp Suriyaga qarshi sanksiyalarni yumshatishi mumkin
Suriya AQShga resurslar evaziga sanksiyalarni bekor qilishni taklif qildi.
Ma'lum qilinishicha, Suriya hukumati AQShga tabiiy resurslardan foydalanishga oid kelishuv taklif etgan. Bu taklif Ukraina bilan tuzilgan shunga o‘xshash bitimga o‘xshash bo‘lib, uning evaziga Damashq AQShdan sanksiyalarni olib tashlashni so‘ramoqda.
Ma'lumotlarga ko‘ra, Suriyaning vaqtinchalik prezidenti Ahmad ash-Shaara orqali yuborilgan taklifda, hatto Damashqda Tramp Tower qurilishi ehtimoli ham tilga olingan.
Xabarlarga ko‘ra, AQSh rasmiylari Donald Trampning Saudiya Arabistoniga safari doirasida ash-Shaara bilan uchrashuvni ko‘rib chiqqan, biroq 12-may kuni kechga yaqin bu uchrashuv bekor qilingani e’lon qilingan. Uchrashuvga AQSh Milliy razvedkasi rahbari Tulsi Gabbard qarshi chiqqani aytilmoqda.
Tramp Saudiya Arabistoniga yo‘l olishidan avval Oq uyda o‘tkazilgan brifingda Suriyaga nisbatan sanksiyalar yumshatilishi mumkinligini istisno qilmagan.
"Biz bu borada qaror qabul qilishimiz kerak bo‘ladi. Suriyaga yangi imkoniyat berishni istaymiz, shu sababli sanksiyalarni bekor qilish ehtimoli mavjud", — degan AQSh prezidenti.
Uning aytishicha, sanksiyalarni yumshatish masalasi Turkiya prezidenti Rajab Toyyib Erdo‘g‘an tomonidan ko‘tarilgan.
