AI yordamida Trampning xatosi tuzatildi
Saudiya valiahd shahzodasi bilan uchrashuvda Tramp qahva ichmagan edi.
Saudiya Arabistoniga rasmiy tashrifi chog‘ida AQSh prezidenti Donald Trampning valiahd shahzoda Muhammad bin Salmon bilan uchrashuvi paytida yuz bergan noqulay holatni sun’iy intellekt yordamida bartaraf etishga to‘g‘ri keldi.
Qirollik saroyida bo‘lib o‘tgan salomlashuv marosimi davomida an’anaviy Arab qahvasi – gahva taklif qilindi. Bu ichimlik Saudiya madaniyatida mehmondo‘stlik ramzi hisoblanadi. Biroq, Tramp uni ichishdan bosh tortdi, bu esa mezbon mamlakatda odobsizlik va hurmatsizlik belgisi sifatida qabul qilinadi.
Noqulaylikning oldini olish va Amerika rahbarini sharmanda qilmaslik maqsadida, Al Arabiya jurnalistlari sun’iy intellektdan foydalangan holda videoni qayta ishladi. AI yordamida yaratilingan tasvirda Tramp qahvani ichayotgani ko‘rsatilgan va u ommaga efirda taqdim etilgan.
Biroq sun’iy tahrir izsiz o‘tmagan: tomoshabinlar ayrim tafsilotlarga e’tibor qaratgan. Jumladan, stullarning qo‘ltiq tayanchlari ikki kadrda farq qiladi, shuningdek, shahzodaning o‘ng tomonida o‘tirgan odam ham almashgan.
